نئی دہلی   بھارتی کرکٹ ٹیم کے سٹار بلے باز ویرات کوہلی کی محبوبہ انوشکا شرما نے اپنی خواہش کا اظہار کیا ہے ۔میڈیا سے بات کرتے ہوئے انوشکا شرما نے کہا ہے کہ وہ ویرات کوہلی کا وہ بلا دیکھنا چاہتی ہیں جس سے انہوں نے پاکستان کے خلاف سنچری بنائی ہے۔انہوں نے اپنی خواہش کا اظہار کرتے ہوئے کہا ہے کہ وہ پاک بھارت میچ دیکھنے میں دلچسپی رکھتی ہیں اور یہ میچ لازمی دیکھتی ہیں لیکن آج کل وہ اپنی نئی فلم کی تشہیر میں مصروف ہیں ۔انوشکا کا کہنا تھا کہ بے شک وہ ورلڈ کپ میچز کے لیے آسٹریلیا اور نیوزی لینڈ نہیں جا سکیں لیکن اس کے باوجود ان کی کوشش ہوتی ہے کہ وہ مصروفیات کے باوجود بھارت کے میچ دیکھنے کی پوری کوشش کرتی ہیں۔ ان کا کہنا تھا کہ کہ وہ بھارت سے اچھے کھیل کی امید رکھتی ہیں اور ان کا دل کرتا ہے کہ بھارت ہر میچ میں بہترین کھیل کا مظاہرہ کریں۔واضح رہے اس سے قبل انوشکا شرما نے اپنے اور ویرات کوہلی کے ساتھ تعلقات کی تصدیق کر دی تھی اور کہا تھا کہ وہ اپنے رشتے کا بہت احترام کرتی ہیں۔