اسلام آبا د(این این آئی)وٹس ایپ صارفین کی لاعلمی، چار ماہ میں 15 سو کے قریب اکاؤنٹس ہیکڈ ہوئے،یکم جولائی سے اب تک ایف آئی اے سائبر کرائم کو 1426 شکایات موصول ہوئی ،جن شکایات کا اندراج نہیں ہوا ان صارفین کی تعداد ان میں شامل نہیں،رجسٹرڈ شکایات میں سے 549 ہیکڈ اکاؤنٹس بحال بھی کر دئیے گئے،ہییکڈ وٹس ایپ اکاؤنٹس سے متعلق تفصیلات سینیٹ میں جمع کروا دیں۔

دستاویز کے مطابق ایف آئی اے سائبر کرائم ونگ 877 شکایات کی پروسیسنگ کر رہا،ایف آئی اے نے 20 زیر التواء شکایات کو باقاعدہ انکوائری میں تبدیل کر دیا۔دستاویز کے مطابق 40 زیر التواء شکایات کے ریکارڈ سے متعلق تاحال جواب موصول نہیں ہوا،817 زیر التواء شکایات فی الوقت تصدیق کے مراحل میں ہیں۔