ٹوکیو(این این آئی)تین سال بعد 2023 میں چاند کے پہلے نجی دورے کے لیے منتخب ہونے والے جاپانی ارب پتی 44 سالہ فیشن و آرٹ ڈیزائنر یساکو مائزاوا نے چاند کے سفر کے لیے خاتون ساتھی کی تلاش شروع کردی۔

میڈیارپورٹس کے مطابق چاند کے دورے کے لیے اسپیس ایکس اپنے ہی راکٹ استعمال کرے گا تاہم اسے امریکی خلائی تحقیقی ادارے ناساکی معاونت حاصل رہے گی۔اسی منصوبے کے تحت 2023 میں جاپانی فیشن و آرٹ ڈیزائنر 44 سالہ یساکو مائزاوا کو سب سے پہلے چاند پر بھجوایا جائے گا تاہم وہ چاہتے ہیں کہ ان کے ساتھ کوئی خوبرو اور بہادر خاتون بھی چاند پر جائے۔چاند کے پہلے نجی سیاحتی دورے کے لیے منتخب ہونے والے ارب پتی جاپانی فیشن ڈیزائنر نے خوبرو، نوجوان اور بہادر خاتون تلاش کرنے کے لیے اپنی ویب سائٹ پر دنیا بھر کی خواتین سے درخواستیں طلب کرلیں۔یساکو مائزاوا کی جانب سے اپنی ویب سائٹ پر جاری کیے گئے اشتہار کے مطابق انہیں کم سے کم 20 سال یا اس سے زائد عمر کی بہادر اور خوبرو خاتون درکار ہے۔ویب سائٹ پر بتایا گیا کہ ارب پتی جاپانی فیشن ڈیزائنر چاند کے دورے کو یادگار بنانے کے لیے کسی خوبرو خاتون کے ساتھ چاند کا دورہ کرنا چاہتے ہیں اس لیے انہوں نے خواہش مند خواتین سے درخواستیں طلب کی ہیں۔اشتہار میں یساکو مائزاوا کا تعارف بھی دیا گیا ہے کہ وہ کون ہیں اور وہ کس طرح ارب پتی بنے۔ویب سائٹ کے مطابق یساکو مائزاوا دراصل اپنے فیشن ہاس زوزو کی وجہ سے ارب پتی بنے جنہیں انہوں نے 2018 میں فروخت کردیا تھا اور اب ان کی مجموعی دولت 2 ارب امریکی ڈالر ہے۔

ویب سائٹ پر واضح طور پر لکھا گیا ہے کہ ارب پتی فیشن ڈیزائنر کو صرف چاند کے دورے کے لیے خوبرو اور بہادر خاتون درکار ہے۔ویب سائٹ پر دیے گئے اشتہار میں بتایا گیا ہے کہ دنیا بھر کی خواتین ارب پتی شخص کے ساتھ چاند پر جانے کے لیے منتخب ہونے کے لیے 17 جنوری 2020 تک آن لائن درخواستیں دے سکتی ہیں۔

موضوعات:دورہ چاند