ماسکو( آن لائن )روس کی ٹیکنالوجی میں شاندار کامیابی، دنیا سے علیحدہ انٹرنیٹ بنانے میں کامیاب ہو گیا ہے۔ تفصیلات کے مطابق برطانیہ کے ایک خبر رساں ادارے نے ایک رپورٹ جاری کی ہے جس میں کہا گیا ہے کہ روس تمام دنیا سے علیحدہ ان پلگ انٹرنیٹ بنانے میں کامیاب ہو گیا ہے۔ رپورٹ میں کہا گیا ہے کہ اسکا کامیاب تجربہ کر لیا گیا ہے۔اس تجربے میں اس انٹر نیٹ کو عام صارفین کے
سامنے پیش کیا گیا۔ لوگوں کی جانب سے کہا گیا کہ انھیں اس انٹرنیٹ کے استعمال میں کوئی خاص فرق محسوس نہیں ہوا۔ اس کا استعمال بہت زیادہ آسان ہے اور اس سے انکے ملک کو عالمی سطح پر بھی پزیرائی ملے گی۔ اس تجرے کے نتیجے کو جلد ہی صدر پیوٹن کے سامنے پیش کیا جائیگا۔ جاری شدہ رپورٹ میں بتایا گیا ہے کہ ہے روس کے اس اقدام کا مقصد تمام تر دنیامیں اپنی اجارہ داری قائم کرنا ہے۔اسکا مقصد اپنے حریف کے ساتھ مقابلہ کرنے اور دنیا میں انٹر نیٹ استعمال کرنے والے صارفین کا ڈیٹا حاصل کرنا ہے۔ رپورٹ میں مزید کہا گیا ہے کہ اس سے انٹر نیٹ صارفین کو مکمل ریکارڈ روس کو حاصل ہو جائیگا۔ اس حوالے سے ایک پروفیسر کا کہنا ہے کہ اس طرح کی کوشش پہلے ہی ایران اور چین کی جانب سے کر لی گئی تھی، جن ممالک میں ڈیکٹرشپ ہے وہ کوشش کر رہے ہیں کہ وہ صارفین کی معلومات حاصل کر سکیں اوراسے اپنے فائدے کے لیے استعمال کیا جا سکے۔تاہم ابی روس کی جانب سے اس کی مزید تفصیل جاری نہیں کی گئی۔ اگر روس کی جانب سے یہ انٹر نیٹ مارکیٹ میں متعارف کروا دیا جائے تو یہ دنیا کی ٹیکنالوجی میں ایک بہت بڑی جدت اور تبدیلی ہوگی۔ اس حوالے سے ابھی روس کی جانب سے نہیں بتایا گیا کہ اسکو کب مارکیٹ میں متعارف کروایا جائیگا۔
