اسلام آباد(مانیٹرنگ ڈیسک) کیا آپ نے انٹرنیٹ پر کبھی کسی تصویری پہیلی، معمے یا تصویر کو حل کرنے کی کوشش کی ہے، جو آنکھوں کو دھوکا دیتی ہو؟ اگر ہاں تو ایک بار پھر قسمت آزمائیں، ایک ایسی ہی تصویر اس وقت انٹرنیٹ پر گردش کررہی ہے جس میں یہ بتانا ہے کہ اس میں موجود دائروں کی رنگت کیا ہے اور جواب حیران کردے گا۔ اس تصویر کو سب سے پہلے سوشل میڈیا سائٹ ریڈیٹ پر شیئر کیا گیا تھا جس میں متعدد رنگوں کی سیدھی لائنوں کے پیچھے کئی گول دائرے موجود ہیں، جیسے کسی جیل میں قیدی۔ اس تصویر نے لوگوں کے ذہن کیوں گھما دیئے؟ تو آپ کو بتانا ہے کہ ان دائروں کی رنگت کیا ہے؟ کیا آپ کو سب
دائرے مختلف رنگوں کے لگ رہے ہیں؟ اگر ہاں تو آپ تنہا نہیں۔ درحقیقت یہ سب دائرے ایک ہی رنگ کے ہیں، مگر مختلف رنگوں کی لائنز نے ان دائروں کو نظروں کے لیے دھوکا دینے والا بنا دیا ہے۔ مگر بیشتر افراد اس بات کو ماننے کے لیے تیار نہیں ہوتے اور وہ زور دیتے ہیں کہ یہ ایک نہیں بلکہ کئی رنگوں کے ہیں۔ اس تصویر میں بچے کی ماں کون ہے؟ اس طرح کی تصاویر کو Munker illusion کہا جاتا ہے، جس میں سیدھی لائنیں مختلف رنگوں سے ہوتی ہیں جس کے نتیجے میں دیگر چیزیں مختلف رنگوں کی نظر آنے لگتی ہیں۔ تو کیا آپ اس پہیلی کو حل کرنے میں کامیاب رہے تھے؟ اگر ہاں تو نیچے کمنٹس میں بتانا مت بھولیں۔
