لاہور (نیوز ڈیسک) نوکیا نے نیا کم قیمت سمارٹ فون تیار کر لیا ہے، نوکیا کا یہ کم قیمت سمارٹ فون مارکیٹ میں دو ورژن میں دستیاب ہو گا، موبائل فون کے منظر عام پر آنے سے سام سنگ اور ایپل کے لیے مشکلات بڑھ گئیں ہیں۔ نوکیا نے گزشتہ مہینوں میں اپنے تین سمارٹ فون لانچ کیے تھے جن میں نوکیا تھری، فائیو اور سکس شامل ہیں

اب نوکیا نے ایک بہترین سمارٹ فون نوکیا 8 بھی متعارف کرا دیا ہے، جس کے فیچرز آئی فون 7 اور سام سنگ گلیکسی ایس 8 کی سطح کے ہوں گے۔ مارکیٹ میں اپنی کھوئی ہوئی ساکھ بحال کرنے کے لیے نوکیا کا نیا کم قیمت سمارٹ فون تیار ہو گیا ہے ، یہ فون مارکیٹ میں 2 ورژن میں دستیاب ہوگا۔ نوکیا کی ایکس سیریز کا پہلا سمارٹ فون نوکیا ایکس سکس چین میں لانچ کردیا گیا ہے، چین میں متعارف کروائے جانے والے اس سمارٹ فون کی عالمی سطح پر لانچنگ کا فیصلہ نہیں کیا گیا ہے۔ یہ سمارٹ فون 2 ورژن میں دستیاب ہے جس میں سے ایک میڈیا ٹیک ہیلیو پی 60 جبکہ اپ گریڈ ورژن کوالکوم سنیپ ڈراگون ہے۔ واضح رہے کہ ایکس سکس نوکیا کی کمپنی ایچ ایم ڈی کا پہلا سمارٹ فون ہے، جسے آئی فون ایکس جیسے نوچ اور بیزل لیس ڈسپلے سے متاثر ہوکر تیار کیا گیا ہے، اس فون کی باڈی 95 فیصد گلاس سے بنی ہوئی ہے۔ اس فون کے سادہ ورژن کی قیمت تقریباً 25 ہزار پاکستانی روپے جبکہ اپ گریڈ ورژن کی قیمت 29 ہزار پاکستانی روپے کے قریب ہے۔ یاد رہے کہ نوکیا نے گزشتہ مہینوں میں اپنے تین سمارٹ فون لانچ کیے تھے جن میں نوکیا تھری، فائیو اور سکس شامل ہیں اب نوکیا نے ایک بہترین سمارٹ فون نوکیا 8 بھی متعارف کرا دیا ہے، جس کے فیچرز آئی فون 7 اور سام سنگ گلیکسی ایس 8 کی سطح کے ہوں گے تاہم اس کی قیمت ان دونوں فونز کے مقابلے میں آدھی ہو گی۔