اسلام آباد(مانیٹرنگ ڈیسک) انسان جوں جوں ترقی کی منازل طے کر رہا ہے ویسے ویسے سائنسی علوم کی بھی نئی نئی جہتیں اور حیران کن راز سامنے آتے جارہے ہیں۔ علم ریاضی انسانی زندگی کے ہر شعبے میں اپنی موجودگی کا احساس دلاتا رہتا ہے۔ سماجی علوم ہوں یا

حیاتیاتی ریاضی کے قوانین ہر جگہ نظر آئیں گے اسی چیز کو دیکھتے ہوئے کچھ ریاضی دانوں نے دنیا کی سب سے خوبصورت خاتون کو تلاش کرنے کیلئے ریاضی کو استعمال کرنے کا فیصلہ کیا اور انہوں نے نہ صرف ریاضی کے قواعد کو خوبصورت خاتون کی تلاش میں استعمال کیا بلکہ وہ اس میں کامیاب بھی ہو گئے ہیں۔ غیر ملکی خبر رساں ادارے کی رپورٹ کے مطابق کچھ امریکی ریاضی دانوں نے خوبصورت خاتون کی تلاش کیلئے ریاضی کو بروئے کار لانے کا فیصلہ کیا اور اپنی تحقیق میں وہ اس نتیجے پر پہنچے ہیں کہ جن افراد کا چہرہ دل کی شکل کا ہوتا ہے وہ ہمیں سب سے زیادہ خوبصورت نظر آتے ہیں، اور اس کی نمایاں ترین مثال مشہور اداکارہ ریس ودرسپون ہیں، جو ریاضیاتی فارمولوں کے مطابق دنیا کے خوبصورت ترین چہرے کی مالک خاتون ہیں۔امریکی ریاضی دانوں نے اس تحقیق کے دوران 55خوبصورت ماڈلز کے چہروں کو ناپا اور تجزیہ کیا۔ا ن میں سے جنہیں خوبصورت ترین قرار دیا گیا ان سب میں گالوں کی ہڈی اور بھنووں کے پھیلاؤ کا فاصلہ برابر پایا گیا۔ خوبصورت ترین چہرے کی آنکھوں کے درمیان فاصلے کی اوسط 59.2 ملی میٹر تھی جبکہ آنکھوں اور گالوں کی ہڈیوں کے درمیان فاصلے کی اوسط 13.1 ملی میٹر تھی۔