اسلام آباد (مانیٹرنگ ڈیسک) جاپانی کمپنی نے روبوٹ موبائل متعارف کرا دیا، ہر موبائل کمپنی چاہتی ہے کہ اس کے موبائل میں نئی سے نئی چیز ہو اور ہمارا موبائل سب سے منفرد ہو، اس مقابلے کی دوڑ میں ایک جاپانی کمپنی نے ایسا سمارٹ فون متعارف کرایا ہے جسے دیکھ
کر آپ اندازہ نہیں کر سکتے کہ یہ سمارٹ موبائل ہے، اس موبائل کا نام روبوہون ہے، یہ سمارٹ فون نہ صرف کالز، ایس ایم ایس اور دیگر سہولیات دیتا ہے بلکہ روبوٹ ہونے کی وجہ سے کچھ ایسا بھی کر سکتا ہے جو آپ کسی فون پر سوچ بھی نہیں سکتے۔ یہ روبوہون موبائل فون چلنے کے ساتھ ساتھ بیٹھ سکتا ہے، کھڑا ہو سکتا ہے، ڈانس کر سکتا ہے، ہاتھ کھڑے کر سکتا ہے اور مزے کی بات یہ کہ الارم کے ساتھ ساتھ آنے والے پیغامات خود ہی سنانے کی صلاحیت رکھتا ہے، یہ سمارٹ فون 2018 کے وسط تک مارکیٹ میں فروخت کے لیے موجود ہو گا۔ جاپان میں تیار ہونے والا یہ سمارٹ فون اپنی طرز کی منفرد ڈیوائس ہے، اس فون کا وزن 390 گرام اور سائز 5.19 سینٹی میٹر ہے یعنی جیب میں رکھنا ممکن نہیں ہے اس کے علاوہ وائی فائی اور ایل ٹی ای جیسے فیچرز بھی موجود ہیں اس کے پچھلی طرف دو چھوٹی چھوٹی 320X240 انچ کی سکرینیں بھی موجود ہیں۔ یہ منفرد سیٹ 2018 میں مارکیٹ میں موجود ہو گا۔
