اسلام آباد (مانیٹرنگ ڈیسک) چین نے خلائی انجن بنا لیا جو صرف دس ہفتوں میں مریخ پہنچا دے گا، تفصیلات کے مطابق چین کے خلائی تحقیقاتی ادارے نے دعویٰ کرتے ہوئے کہا کہ چین کے ماہرین نے ایسا خلائی انجن تیار کر لیا ہے جس کا ناسا کئی عشروں سے صرف خواب ہی دیکھ رہا تھا۔ چین کے خبر رساں ادارے نے کہا ہے کہ چینی ماہرین نے ایسا خلائی انجن ’’ایم ڈرائیو‘‘ تیار کیا ہے جس کی مدد سے مریخ کا سفر صرف دس ہفتوں میں ممکن
ہو سکے گا۔ ماہرین کا مزید کہنا ہے کہ یہ ایسا انجن ہے جس میں کوئی ایندھن خرچ نہیں ہوگا بلکہ یہ شمسی توانائی سے اپنا سفر جاری رکھ سکے گا۔ چینی ماہرین نے کہا کہ ایم ڈرائیو انجن نیوٹن کے تیسرے قانون کو غلط ثابت کرے گا جس کے مطابق ہر عمل کا بھرپور ردعمل ہوتا ہے۔ چین کے سائنسدانوں نے ’’ایم ڈرائیو‘‘ انجن کو جلد خلا میں بھیجنے کا اعلان بھی کیا ہے، مگر کب بھیجا جائے گا اس بارے میں کوئی حتمی تاریخ نہیں دی گئی ہے۔
