اسلام آباد(مانیٹرنگ ڈیسک)آج کے جدید دور میں موبائل فون اہم ضرورت بن چکا ہے اور ایک دوسرے سے آگے نکلنے کی دوڑ میں کمپنیاں نئی جدید ٹیکنالوجی متعارف کروا رہی ہیں۔چند ایک کمپنیوں کی اجارہ داری اب کچھ عرصے کے دوران تیزی سے ختم ہوتی جا رہی ہے ۔

پہلے جس کے پاس موبائل ہوتا تھا اس کو امیر سمجھا جاتا تھا ۔پاکستان میں بھی موبائل ٹیکنالوجی میں تیزی سے ترقی کے باعث جو آج سے 10سال پہلے کسی کے ہاتھ میں مشکل سے ہی نظر آتا تھا آج ہر دوسرے فرد کے پاس ہے اور ہر کمپنی نمبر ون پر آنے کیلئے جدید ٹیکنالوجی سے لیس نئے سستے موبائل بنانے کی کوشش میں لگی ہوئی ہے ۔اس ہی دوڑ میں اب ایک چینی بڑی کمپنی(شاؤمی) نے بھی حصہ لینے کا فیصلہ کرتے ہوئے پاکستان میں اپنے سستے موبائل فون متعارف کروانے کا اعلان کردیا ہے ۔یہ کمپنی 14ہزار کی رینج میں سستے اور معیاری موبائل فون مارکیٹ میں لائے گی۔پاکستان میں اس کمپنی نے یہ فون ’’می‘‘کے نام سے پیش کرنے کا فیصلہ کیا ہے۔چینی کمپنی کی ’’می ‘‘موبائل فون کی تعارفی تقریب20فروری کو مقامی ہوٹل میں ہوگی۔