سلیکان ویلی (مانیٹرنگ ڈیسک )موبائل فون بنانے والی معروف کمپنی نوکیاکے بنائے گئے ایک اینڈرائڈفون کی تصویریں لیک ہونے کے بعد منظرعام پرآگئی ہیں ۔نوکیا کایہ فون دراصل فن لینڈکی ایک کمپنی نے بنایاہے جوکہ نوکیاپی ون فون ہے ۔

اس کی تصاویرسے یہ معلوم ہوتاہے کہ یہ اس کمپنی کی ایک طویل عرصے بعد سامنے آنے والی فلیگ شپ ڈیوائس اور اب تک کا طاقتور ترین سمارٹ فون ہو گا۔نوکیاپی ون یوٹیوب پرایک ویڈیوکے ذریعے لیک کیاگیاہے جس سے اندازہ ہوتاہے کہ یہ مکمل میٹل باڈی کے ساتھ کونوں سے خم یا ایج ڈسپلے کا حامل ہو گا۔ یہ فون 5.3 انچ ڈسپلے گوریلا گلاس کے ساتھ ہوگا جواستعمال کرنے کے دوران خراشیں پڑنے سے محفوظ رہے گاجبکہ اس کولاک اوران لاک کرنے کےلئے فنگرپرنٹ کاسنسربھی دیاگیاہے اس کاکیمرہ بھی طاقتورترین لینسزکے ساتھ 22.6میگاپکسلزکاہوگا۔