اسلام آبادز (مانیٹرنگ ڈیسک)عمومی طورپر خیال کیاجاتاہے کہ براؤزر ہسٹری ڈیلیٹ کرنے سے آپ کی سرچ کا سارا ریکارڈ ختم ہوجاتاہے لیکن دراصل ایسا کچھ نہیں ہوتااور آپ نے جب بھی کچھ تلاش کیا ، اس کا ریکارڈ موجود ہے اور آپ دیکھ سکتے ہیں تاہم اس کیلئے شرط یہ ہے کہ آپ صرف وہی سرچ دوبارہ دیکھ سکتے ہیں جوآپ نے گوگل کا جی میل یا کوئی اور اکاؤنٹ لاگ ان ہوتے ہوئے کی تھی۔ ذرائع کے مطابق اگرآپ یہ ضرورت محسوس کرتے ہیں کہ ماضی میں کی گئی کسی سرچ کو دوبارہ دیکھاجائے تو آپ کو history.google.com/history پر جانا ہوگا اور آپ جو کچھ بھی ماضی میں براؤزر پر دیکھ چکے ہیں، وہ آپ کے سامنے ہوگا یا پھر مخصوص الفاظ کا استعمال کرکے دوبارہ تلاش بھی کرسکتے ہیں۔ یہی نہیں بلکہ آپ ماضی میں تلاش کی گئی تصاویر کے بار ے میں معلوم کرسکتے ہیں اور یہ بھی جان سکتے ہیں کہ آپ آج تک گوگل میپس پر کون کونسے علاقوں کے بارے میں دیکھ چکے ہیں۔اس ایڈریس کے ہوم پیج پرجانے کے بعد آپ مکمل سرچ ہسٹری ڈاؤن لوڈ بھی کرسکتے ہیں اور سب سے دلچسپ بات یہ کہ آپ معلومات حاصل کرنے کے بعد گوگل کو اپنی ’جاسوسی‘ سے روک بھی سکتے ہیں۔
اس کیلئے آپ کو اپنا براؤزر کھولناہے اور پیج کے نہایت بائیں جانب موجود ’’Activity Controls‘ ‘ پر جائیں ۔ اس پر کلک کرنے کے بعد کھلنے والی پہلی سلائیڈ پر ہی سوئچ آف کرسکتے ہیں اور ’ویب اینڈ ایپ ایکٹویٹی‘ کوچیک کردیں۔ یوں آپ کی سرچ ہسٹری ہمیشہ ہی عوام سے غائب رہ جائے گی .