واشنگٹن(مانیٹرنگ ڈیسک) سماجی میل جول کی ویب سائٹ ٹویٹر نے ویڈیو پیغام کی طوالت 140سیکنڈ تک بڑھا دی ۔ ذرائع ابلاغ کی رپورٹس کے مطابق ٹویٹر کے ایک انتظامی عہدیدار نے بتیاکہ صارفین کو اپنی تخلیقی صلاحیتوں کے زیادہ سے زیادہ مواقع اور وقت فراہم کرنے کیلئے یہ اقدام اٹھایا گیا ہے۔ انہوں نے بتایاکہ اس سے قبل ٹویٹر پر ویڈیو پیغام کا دورانیہ تقریباً 30سیکنڈ کا تھا تاہم اب اس میں اضافہ کردیا گیا ہے۔ اسوقت ٹویٹر استعمال کرنے والے صارفین کی تعداد 300ملین سے تجاوزکر گئی ہے۔