کوالا لمپور (مانیٹرنگ ڈیسک) دنیا بھر میں مقبولیت کے تمام ریکارڈ توڑ نے والی رئیلٹی گیم 146146پوکیمن گو145145 نے گیمز کے شائقین کو تو اپنا دیوانہ بنارکھا ہے لیکن دوسری جانب کچھ مذہبی حلقے اس گیم کے باعث خاصے متفکر نظر آتے ہیں۔ پہلے کچھ عرب ممالک سے اس گیم پر پابندی کی خبریں آئیں اور اب ملائیشیا کے ایک مفتی نے اسے مفاد عامہ کے خلاف قرار دے کر مسلمانوں کے لئے حرام قرار دے دیا ہے۔
وفاقی حدود کے مفتی ذوالقفلی الباقری نے گزشتہ روز ایک بیان میں اعلان کیا کہ یہ فیصلہ شوریٰ کمیٹی برائے اسلامی قوانین کی ایک میٹنگ میں کیا گیا۔ ان کا کہنا تھا کہ مذہبی علما کی آراکا مطالعہ کرنے کے بعد یہ فیصلہ کیا گیا ہے کہ پوکیمن گو اور اس کے تمام کردار نقصان کا باعث بن سکتے ہیں۔ ان کا کہنا تھا کہ اس گیم کے کردار مخصوص طاقتوں کے حامل ایسے دیوتاؤں اور کرداروں کی تلاش پر اکساتے ہیں کہ جو ناصرف اخلاقیات اور عقائد کے لئے نقصان دہ ہیں بلکہ جوا بازی جیسے منفی رجحانات کو بھی فروغ دیتے ہیں۔
اس گیم کو ملکی سلامتی کے لئے خطرہ قرار دیتے ہوئے یہ بھی کہا گیا کہ اس کے ذریعے بیرونی طاقتیں جاسوسی کرسکتی ہیں، جبکہ لوگ اسے کھیلتے ہوئے نجی املاک کے تقدس کو پامال کر سکتے ہیں اور بے دھیانی کے مرتکب ہو کر حادثات کا باعث بھی بن سکتے ہیں
Back to Conversion Tool