اسلام آباد (مانیٹرنگ ڈیسک)نیشنل کاؤنٹر ٹیرر ازم اتھارٹی کی تجویز پر پی ٹی اے نے غیر مناسب کالرز کی 75 سمز بلاک کر دیں جنہوں نے ہیلپ لائن 1717 کا غلط استعمال کیا۔ میڈیا رپورٹ کے مطابق یہ کارروائی ان مٹھی بھر افراد کے غیر ذمہ دارانہ رویے کے باعث کی گئی جنہوں نے انسداد دہشتگردی کیلئے قائم ہیلپ لائن کے موثر ہونے میں رکاوٹ ڈالی باوجود اسکے کہ وارننگ پیغام دیا گیا کہ ہیلپ لائن پر غیر ذمہ دارانہ رویہ رکھنے والوں کو قانونی نتائج کا سامنا کرنا ہوگا۔ نیکٹا نے اس معاملے کو پی ٹی اے کے ساتھ اٹھایا جس نے ایسے افراد کی75 سمز بلاک کر دیں۔