اسلام آباد (نیوزڈیسک)اب مقبول ترین میسجنگ ایپ واٹس ایپ میں کسی میسج کا جواب دینے کے لیے آپ کو ایپ اوپن کرنے کی ضرورت نہیں ہوگی۔جی ہاں واٹس ایپ نے ایک نیا فیچر متعارف کرانے کی تیاری کرلی ہے جس کے تحت آپ نوٹیفکیشن میں ہی پیغام دیکھ کر اس کا جواب دے سکیں گے۔اینڈرائیڈ آپریٹنگ سسٹم کی اپ ڈیٹ پر نظر رکھنے والے بلاگ اینڈرائیڈ پولیس کے مطابق ابھی یہ فیچر بیٹا ورڑن میں دستیاب ہے جس میں معلوم ہوا کہ رئیپلائی بٹن اب نوٹیفکیشن بھی ہی موجود ہوگا۔یہ تبدیلی اینڈرائیڈ اسمارٹ فونز صارفین کے لیے سامنے آنے والی ہے۔اس فیچر کے تحت جب آپ کو میسج موصول ہوگا تو نوٹیفکیشن ٹرے پر آپ اسے معمول کے مطابق دیکھیں گے مگر پھر سوایپ ڈان کرکے اسے بڑا کریں گے اور رئیپلائی بٹن پر کلک کرکے جواب دیں گے۔یہ وہ فیچر ہے جس کا مطالبہ کافی عرصے سے کیا جارہا تھا اور اب اسے متعارف کرایا جارہا ہے۔اسی طرح واٹس ایپ نے سروس کے اندر موجود کیمرہ انٹرفیس بھی بدلا ہے اور وہ پہلے کے مقابلے میں زیادہ بہتر ہوگیا ہے۔یہ نیا کیمرہ انٹرفیس صارفین کے لیے استعمال کرنا زیادہ آسان ہے اور اب بلیو شٹر بٹن کو ختم کرکے ایک وائٹ بٹن رکھا گیا ہے جو اسکرین کلر اسکیم سے فٹ ہوجائے گا۔یہ فیچر بھی اینڈرائیڈ صارفین کے لیے دستیاب ہوگا۔