کیلی فورنیا (نیوزڈیسک)معروف امریکی کمپنی ایپل نے چھوٹا اور سستا آئی فون متعارف کرادیا۔پیر کےر وز ایپل کے جانب سے آئی فون ایس ای ماڈل متعارف کرایا گیا جس کا مقصد زیادہ سے زیادہ نئے خریداروں تک پہنچنا ہے۔ ایپل کے اس نئے ماڈل کی اسکرین4انچ کی ہے جبکہ اس کی ابتدائی قیمت 399 ڈالر مقرر کی گئی ہے۔ صارفین اس نئے ماڈل کو حاصل کرنے کیلئے جمعرات سے اپنی بکنگ کراسکیں گے۔ ماہرین کا کہنا ہے کہ ایپل کا یہ نستباً کم قیمت والا آئی فون دیگر کمپنیوں کیلئے مشکلات کھڑی کرسکتا ہے۔