اسلام آباد (نیوز ڈیسک) پاکستان ٹیلی کمیونیکشن اتھارٹی (پی ٹی اے) نے ملک بھر میں موبائل صارفین کے لیے نیا اعلامیہ جاری کیا ہے۔ پی ٹی اے کی جانب سے جاری کیے گئے اعلامیے میں صارفین کو ہدایت کی گئی ہے۔ بے نظیر انکم سپورٹ کے سلسلے میں موصول ہونے والے کسی ٹیکست میسج یا فون کال کا جواب نہ دیا جائے۔ پی ٹی اے کی جانب سے جعلسازوں کے خلاف مہم شروع کر دی گئی تاہم ابھی کوئی ہیلپ لائن متعارف نہیں کروائی گئی۔ پی ٹی اے کی جانب سے اکثر موبائل صارفین کو بذریعہ ٹیکست میسج مطلع کیا گیا ہے کہ کسی قسم کی انعامی اسکیم میں شمولیت سے گریز کریں۔ یاد رہے اب تک بے نظیر انکم سپورٹ کے تحت چلائی جانے والی جعلی مہم کے تحت ہزاروں افراد دھوکے کا شکار ہو چکے ہیں جس میں صارفین کو ٹیکسٹ میسج کے ذریعے مطلع کیا جاتا ہے کہ آپ امدادد کے مستحق قرار پائے ہیں درجہ ذیل نمبر پر رابطہ کریں۔