نیویارک (نیوز ڈیسک) ٹیکنالوجی کے اس دور میں جہاں دنیا انٹرنیٹ میں سما گئی ہے وہیں مختلف رہن سہن اور زبانیں بولنے والے افراد ایک دوسرے کے قریب آ گئے ہیں۔ ترجمہ کرنے والی مختلف ایپس سے باآسانی کسی بھی زبان کا ترجمہ کر کے لوگوں سے نہ صرف رابطہ کیا جا سکتا ہے بلکہ دیگر معلومات بھی حاصل کی جاسکتی ہیں۔اسی سہولت کو مدنظر رکھتے ہوئے حال ہی میں گوگل ٹرانسلیٹ نے سندھی اور پشتو سمیت 13 مزید زبانوں میں ترجمے کی سہولت متعارف کروائی ہیں۔ اب صارفین 103 مختلف زبانوں کا ترجمہ کر سکتے ہیں۔ واضح رہے کہ سندھی ایک ایسی زبان ہے جو پاکستان سمیت بھارت میں بھی بولی جاتی ہے۔