اسلام آباد (نیوز ڈ یسک)پاکستان الیکٹرانک میڈیا ریگولیٹری اتھارٹی (پیمرا) نے جیو نیوز کی نشریات عارضی طور پر بند کرتے ہوئے

چینل کا لائسنس 15 دن کے لیے معطل کرنے کا فیصلہ کیا ہے۔پیمرا کی جانب سے جاری اعلامیے میں کہا گیا ہے کہ 10 محرم الحرام، 26 جون 2026 کو نشر کیے جانے والے پروگرام ’’سفرِ عشق‘‘ میں ایسا مذہبی مواد پیش کیا گیا جسے اتھارٹی نے ناقابلِ قبول قرار دیا ہے۔ریگولیٹری ادارے کے مطابق مذکورہ پروگرام میں دکھائی جانے والی بعض مذہبی تصاویر اور مناظر نہ صرف لائسنس کی شرائط کے منافی تھے بلکہ انہیں مذہبی، سماجی اور ثقافتی اقدار سے بھی متصادم قرار دیا گیا ہے۔پیمرا کا کہنا ہے کہ اسی بنیاد پر جیو نیوز کی نشریات فوری طور پر 15 روز کے لیے معطل کر دی گئی ہیں اور اس فیصلے پر فوری عمل درآمد شروع کر دیا گیا ہے۔

دوسری جانب کیبل نیٹ ورکس پر جیو نیوز کی نشریات بند ہونے کے بعد چینل کی جگہ ایک پیغام دکھایا جا رہا ہے، جس میں بتایا گیا ہے کہ پیمرا کی ہدایات کے مطابق چینل کو عارضی طور پر آف ایئر کر دیا گیا ہے۔