اسلام آباد(این این آئی)نظام صلوةٰ سے متعلق اجلاس میں وفاقی وزارت مذہبی امور نے اہم فیصلے کر لئے ، جڑواں شہروں کی تمام مساجد میں ایک ہی وقت پر اذان اور باجماعت نماز ادا ہوگی، وزارت مذہبی امور جلد ہی اذان اور نماز کے شیڈول کا کیلنڈر بھی جاری کرے گی ، نماز جمعہ کا خطبہ کس موضوع ہر ہوگا؟ علمائے کرام نے اس حوالے سے فہرست تیار کرنے پر بھی اتفاق کرلیا ۔
ترجمان وفاقی وزارت مذہبی امور کے مطابق علما کرام نے اسلام آباد اور راولپنڈی میں یکساں اوقات اذان ونماز کے نفاذ اور خطبات جمعہ کے موضوعات کی فہرست تیار کرنے پر اتفاق کرلیا ہے ، طے پایا کہ خطبات جمعہ اتحاد امت،اصلاح معاشرہ،نوجوان نسل کی رہنمائی کیلئے ہوں گے،مساجد کے نظم ونسق،سیکیورٹی اورانتظامی امورکیلئے مشترکہ سفارشات مرتب کی جائیں گی جن پر عملدرآمد کی نگرانی وزارت مذہبی امور کرے گی۔ترجمان وزارت مذہبی امور کے مطابق نظام صلو کو موثر بنانے کیلئے ضروری قانون سازی بھی کی جائیگی ۔
