لاہور(این این آئی)بھارتی لڑکی سے رابطے کے بعد نوکری کیلئے تھائی لینڈ جانے والے ساہیوال کے تین نوجوان اغواء ہوگئے، اغواء کاروں نے والدین سے کروڑوں روپے تاوان مانگ لیا۔میڈیارپور ٹس کے مطابق نوکری کیلئے لاہور ایئرپورٹ سے تھائی لینڈ پہنچنے والے ساہیوال کے دو نوجوانوں سمیت 3افراد مبینہ طور پر اغواء کر لیے گئے۔اطلاعات کے مطابق 26مئی کو تین نوجوان عثمان امین، محمد احمد اور تجمل شہزاد کو رخصت کیا،
تھائی لینڈ پہنچنے تھے مغوی نوجوان بھارت کی لڑکی کے ساتھ ٹیلی فونک رابطے میں تھے۔مغوی نوجوانوں کے والدین کے مطابق بھارتی لڑکی نے موبائل کے ذریعے ٹکٹ بھیجے اور لاہور ایئرپورٹ پر نامعلوم افراد نے عثمان امین، محمد احمد اور تجمل شہزاد کو رخصت کیا۔تھائی لینڈ پہنچنے پر اغواء کاروں نے تینوں نوجوانوں کو برما بارڈر کراس کروا کر میانمار پہنچایا، اغواء کاروں کی جانب سے والدین سے فون کال پر ایک کروڑ روپے تاوان مانگا گیا ہے۔اس حوالے سے مغوی شہری عثمان کی والدہ نے کہاہے کہ تھائی لینڈ کی ایمبسی کو آگاہ کردیا گیا ہے، عثمان کی بیوی کی جانب سے اسلام آباد کے متعلقہ اداروں اور پاکستان سٹیزن پورٹل پر مدد کیلئے درخواست بھی بھیج گئی ہے، ہماری مدد کی جائے۔
