اسلام آباد ںیوز ڈیسک) ملک کے بیشتر حصے اس وقت شدید گرمی کی لپیٹ میں ہیں، اور محکمہ موسمیات نے پیش گوئی کی ہے کہ آئندہ چار روز تک گرمی کی شدت میں مزید اضافہ ہو سکتا ہے۔ گرم اور خشک موسم کا سلسلہ خاص طور پر میدانی علاقوں کو متاثر کرے گا۔
محکمہ موسمیات کے مطابق جنوبی پنجاب، سندھ اور بلوچستان میں دن کے وقت درجہ حرارت معمول سے 4 سے 6 ڈگری سینٹی گریڈ تک زیادہ رہنے کا امکان ہے۔ اس کے علاوہ، بالائی اور وسطی علاقوں جن میں اسلام آباد، خیبرپختونخوا، کشمیر، گلگت بلتستان اور پنجاب کے وسطی و شمالی علاقے شامل ہیں، وہاں درجہ حرارت 5 سے 7 ڈگری سینٹی گریڈ زائد رہنے کی توقع ہے۔آج مختلف شہروں میں ممکنہ درجہ حرارت کچھ یوں رہے گا:لاہور: 43 ڈگر ی ملتان: 44 ڈگریبہاولپور: 45 ڈگریڈی جی خان: 47 ڈگریسرگودھا: 45 ڈگریراولپنڈی: 40 ڈگریسندھ کے اہم شہروں میں بھی گرمی کا زور برقرار رہے گا:کراچی: 36 ڈگریحیدرآباد: 42 ڈگریسکھر: 45 ڈگرینوابشاہ: 46 ڈگریبلوچستان کے کچھ علاقوں کا حال یوں رہے گا:سبی: 48 ڈگریکوئٹہ: 38 ڈگریگوادر: 36 ڈگریخیبرپختونخوا میں بھی گرمی کی شدت برقرار رہے گی:پشاور: 44 ڈگریبنوں: 41 ڈگریڈیرہ اسماعیل خان: 45 ڈگریاسلام آباد میں زیادہ سے زیادہ درجہ حرارت 42 ڈگری تک پہنچنے کا امکان ہے، جبکہ گلگت بلتستان میں 36 ڈگری اور راولا کوٹ میں 30 ڈگری سینٹی گریڈ رہنے کی پیش گوئی کی گئی ہے۔
محکمہ موسمیات کے مطابق 22 اور 23 مئی کو ملک کے بیشتر علاقوں میں موسم شدید گرم اور خشک رہے گا۔ البتہ جمعہ کے روز گلگت بلتستان، شمالی خیبرپختونخوا، کشمیر اور قریبی پہاڑی علاقوں میں کہیں کہیں آندھی اور گرج چمک کے ساتھ بارش کا امکان بھی موجود ہے۔ہفتہ اور اتوار کے دوران گرمی کی شدت میں مزید اضافہ متوقع ہے، جب کہ کچھ پہاڑی علاقوں میں ہلکی بارش یا آندھی کی پیش گوئی کی جا رہی ہے۔محکمہ موسمیات نے شہریوں کو تنبیہ کی ہے کہ وہ گرمی سے بچاؤ کے لیے ضروری احتیاطی تدابیر اختیار کریں۔ خاص طور پر بچوں، بزرگوں اور بیمار افراد کا خیال رکھا جائے، غیر ضروری طور پر دھوپ میں نکلنے سے گریز کیا جائے، اور پانی و مشروبات کا زیادہ استعمال کیا جائے۔
