سوات (این این آئی)ضلعی انتظامیہ سوات نے 150گرام وزن والی روٹی کی قیمت 20روپے جبکہ 250گرام وزن والی روٹی کی قیمت 30روپے مقرر کرنے کا اعلامیہ جاری کر دیا۔اعلامیہ کے مطابق سوات کے تمام نانبائی، ہوٹلز مالکان اعلامئے میں درج ہدایات پر عمل درآمد کو یقینی بنائیں اور تمام نانبائی اور ہوٹلز مالکان کو ہدایت دی گئی ہے کہ اردو زبان میں روٹی و نان کا نرخنامہ تندور کے سامنے نمایاں جگہ پر آویزاں کریں ضلعی انتظامیہ نے روٹی نان سمیت تمام اشیائے خوردنوش کی صفائی و ستھرائی کا خیال رکھنے اور نرخنامے پر ڈپٹی کمشنر سوات کا کمپلینٹ نمبر 9240341- 0946یا 09469240336لکھ کر پرنٹ کرنے کی ہدایت کی ہے تاکہ عام لوگوں کو اپنی شکایات درج کرانے کی سہولت میسر ہو مراسلہ میں نانبائیوں کو ڈیجیٹل ترازو تندور میں رکھنے کی بھی ہدایت کی گئی ہے اعلامیہ کی خلاف وزری والوں کے خلاف قانونی کارروائی عمل میں لائی جائے گی۔