اسلام آباد (نیوز ڈیسک) سعودی ایئر نے پاکستان سمیت دیگر ممالک کے مسافروں کے لیے نئی ہدایات جاری کر دی ہیں۔دس فروری سے عمرہ کے لیے جانے والے افراد کے لیے گردن توڑ بخار اور دیگر ویکسین لگوانا لازمی ہوگا۔سعودی ایوی ایشن کا کہنا ہے کہ ایئرلائنز پر لازم ہے کہ وہ سعودی عرب آنے والے مسافروں کو ویکسین لگوانے کا پابند بنائیں۔

مسافروں کو کم از کم 10 دن پہلے جاری کردہ ویکسینیشن سرٹیفکیٹ فراہم کرنا ہوگا۔ایک سال یا اس سے کم عمر کے بچوں کو ویکسین لگوانے سے مستثنیٰ قرار دیا گیا ہے۔ مزید یہ کہ ایئرلائنز کو سفر کے دوران ضروری حفاظتی اقدامات اپنانے کی بھی ہدایت کی گئی ہے۔