لاہور( این این آئی)دس سال بعد 2024 کا دسمبر خشک اور سرد ترین قراردیا گیا ہے ۔محکمہ موسمیات کے مطابق 2024 میں ملک بھر کیلئے دسمبر خشک ترین رہا، یکم سے 3 دسمبر کے دوران سردی کی پہلی لہر نے انٹری دی۔رپورٹ کے مطابق سردی نے خیبرپختونخواہ ، گلگت بلتستان، کشمیر، بلوچستان، سندھ اور شمالی پنجاب پر اثر دکھایا ۔

محکمہ موسمیات کی ماہانہ رپورٹ کے مطابق گوادر کیلئے 5 دسمبر 33.5 ڈگری سینٹی گریڈ کے ساتھ گرم ترین دن رہا، کراچی میں 4 دسمبر کو 20.8 ڈگری سینٹی گریڈ کے ساتھ گرم ترین رات ریکارڈ کی گئی۔رپورٹ کے مطابق 12 دسمبر کو گلگت کے علاقے بگروٹ میں پارہ صفر ہونے سے سرد ترین دن رہا جبکہ 26 دسمبر کو اسکردو میں منفی 13.2 ڈگری سینٹی گریڈ کے ساتھ سرد ترین رات ریکارڈ کی گئی۔