اسلام آباد(این این آئی)وفاقی کابینہ کی جانب سے آئندہ برس کیلئے منظور کردہ حج پالیسی کے اہم نکات سامنے آگئے۔تفصیلات کے مطابق ایک لاکھ 79ہزار210عازمین حج کی سعادت حاصل کرسکیں گے جبکہ پیکیج 10لاکھ 65ہزار سے 10لاکھ 75ہزار کے درمیان ہو گا۔اسپانسرشپ اسکیم کے تحت گورنمنٹ اسکیم کا کوٹہ 5ہزار فی پرائیویٹ کا کوٹہ 25ہزار مختص ہوگا جبکہ حج کوٹہ مساوی تقسیم ہوگا۔

کابینہ منظوری ملنے کے بعد اب حج در خواستوں کی وصولی کا شیڈول جا ری کیا جا ئے گا۔ وزارت مذہبی امور نے درخواستوں کی وصولی کیلئے بینکوں کے انتخاب کیلئے خواہش مند بینکوں کا انتخاب کرلیا۔آئندہ برس سرکاری حج پیکیج 10لاکھ 65ہزار سے 10لاکھ 75ہزار کے درمیان ہوگا، حج کوٹہ کے مطابق پاکستان سے آئندہ سال 1لاکھ 79ہزار210عازمین حج کی سعادت حاصل کرسکیں گے۔حج پالیسی کے مطابق حج کوٹہ گورنمنٹ اسکیم اور پرائیویٹ حج اسکیم میں 50فی صد کے تناسب سے تقسیم ہوگا۔