اسلام آباد(این این آئی)جمعیت علمائے اسلام کے مرکزی رہنماحافظ حمد اللہ نے کہا ہے کہ قانون سازی کیلئے مولانا فضل الرحمان کو اعتماد میں نہیں لیاگیا، حکومت نے ہمیں دھوکہ دیا ہے۔ایک انٹرویو میں حافظ حمد اللہ نے کہاکہ قانون سازی جمہوریت کی روح کے خلاف ہے، یہ جمہوریت کے نام پر سیاہ دھبہ ہیں۔
انہوں نے کہاکہ بیس منٹ میں قومی وسینیٹ سے قانون پاس ہو رہے ہیں، حکومت نے دھوکہ دیا ہے، مولانا فضل الرحمان کو اعتماد میں نہیں لیا گیا۔انہوںنے کہاکہ یہ قانون سازی جمہوریت نہیں اقتدارکی مضبوطی کیلئے ہو رہی ہے، حکومت کے ساتھ اصل لڑائی تواب شروع ہوگی۔
