اسلام آباد(این این آئی)وفاقی دارالحکومت کی فضا صحت کیلئے انتہائی خطرناک ہوگئی،پاک ای پی اے نے سرکاری رپورٹ جاری کرنا بند کردی ،زہریلے ذرات کی مقدار مقررہ حد سے400فیصد سے بھی زیادہ بڑھ گئے ہیں۔ذرائع کے مطابق زہریلے ذراتPM2.5کی مقدار172g/m سے تجاوزکرگئی جبکہ فضا میں زہریلے ذراتPM2.5کی مقدارکسی صورت 35g/mسے زیادہ نہیں ہونی چاہیے۔

صبح دفتری اوقات اور مغرب سے رات تک ائیرکوالٹی انڈکس خطرناک حد تک چلاجاتاہے۔وفاقی دارالحکومت اسلام آباد میں ائیرکوالٹی زہریلی ہونے کے باجود وفاقی دارالحکومت کی انتظامیہ اور پاک ای پی اے نے کسی قسم کی ایڈوائزی جاری نہیں کی جبکہ پاک ای پی اے نے رپورٹ جاری کرنابھی بندکردی ہے۔صحافی ڈی جی پاک ای پی اے فرزانہ الطاف سے مسلسل ائیر کوالٹی رپورٹ مانگ رہے ہیں مگر وہ کسی قسم کی رپورٹ نہیں دے رہی ہیں ۔