اسلام آباد (نیوزڈ یسک)پاکستان تحریک انصاف (پی ٹی آئی) کے بانی عمران خان کی سابقہ اہلیہ جمائما گولڈ اسمتھ کی ایک ٹوئٹ پر وزیردفاع خواجہ آصف نے ردعمل دیتے ہوئے کہا کہ عمران خان کے ساتھ ہمیشہ نرمی برتی گئی ہے۔

جمائما گولڈ اسمتھ نے سوشل میڈیا پلیٹ فارم ایکس پر عمران خان کی صحت اور حفاظت کے حوالے سے تشویش ظاہر کی تھی، جس کے جواب میں خواجہ آصف نے کہا کہ عمران خان کے ساتھ ہمیشہ رعایت برتی گئی، جبکہ انہوں نے اپنے سیاسی مخالفین کے لیے کبھی نرمی کا مظاہرہ نہیں کیا۔ وزیر دفاع نے مزید کہا کہ سابق وزیر اعظم نواز شریف کو حتیٰ کہ اپنی مرتی ہوئی اہلیہ سے فون پر بات کرنے کی اجازت بھی نہیں دی گئی تھی، اور اپوزیشن کے کئی رہنماؤں کو بغیر کسی الزام کے جیل میں رکھا گیا۔