روم(این این آئی ) چھ دہائیوں قبل ایک اطالوی بنگلے کے تہہ خانے میں ایک کباڑ ڈیلر کی جانب سے دریافت کردہ پینٹنگ پابلو پیکاسو کی اصل پینٹنگ نکلی جس کی مالیت لاکھوں ڈالرز میں ہوسکتی ہے۔

غیرملکی خبررساں ادارے کے مطابق لوکا جینٹل مارسانٹے، جو آرٹ کے ماہر ہیں اور سوئیٹزرلینڈ میں قائم آرٹ کی غیر منافع بخش تنظیم آرکیڈیا فائونڈیشن کے اعزازی صدر ہیں، کا کہنا تھا کہ یہ خیال کیا جاتا ہے کہ یہ پینٹنگ فرانسیسی فوٹوگرافر اور شاعر ڈورا مار کی مسخ شدہ تصویر ہے جو پکاسو کی محبوبہ تھی۔کاغذ پر یہ آئل پینٹنگ میں پکاسو کی جانب سے سرخ لپ اسٹک کے ساتھ نیلے لباس میں ایک عورت کا غیر متناسب انداز دکھایا گیا ہے۔آرٹ کے ماہر مارسانٹے نے بتایا کہ انہیں یقین ہے کہ پینٹنگ مستند ہے۔