اسلام آباد(این این آئی)تحریک انصاف کی کور کمیٹی کے رکن شعیب شاہین کا کہنا تھا تمام ادارے سپریم کورٹ کے ہر فیصلے کو ماننے کے پابند ہیں۔ایک ٹی وی پروگرام میں گفتگو کرتے ہوئے انہوں نے کہا کہ حکومت کو جو بہتر لگے گا، اسے ہی آئینی کہے گی، جو سوٹ نہیں کرے گا تو اْسے کہیں گے کہ یہ غیر آئینی ہے۔
پاکستان بار کونسل کی ایگزیکٹو کمیٹی کے سابق چیئرمین حسن رضا پاشا نے کہا کہ 8 ججز کا اکثریتی فیصلہ ہی لاگو ہوگا لیکن یہ وقت ہے کہ سپریم کورٹ اس حوالے سے نظر ثانی کی درخواستیں سن لے۔اس سے قبل وزیراعظم کے مشیر برائے سیاسی امور رانا ثنا اللہ نے واضح کہہ دیا تھا کہ اسی فیصلے پر عمل ہوگا جو آئین کے مطابق ہوگا۔اس سے پہلے رانا ثنا اللہ نے یہ بھی کہا تھا کہ مخصوص نشستوں کے فیصلے پر عمل نہ کرنے پر وزیراعظم کے خلاف توہین عدالت کی کارروائی نہیں ہوسکتی، یوسف رضا گیلانی والی تاریخ اب نہیں دہرائی جا سکتی۔
