اسلام آباد (این این آئی)سرکاری اراضی پر مبینہ قبضے کے کیس میں اسلام آباد کی اسپیشل سینٹرل عدالت کے جج ہمایوں دلاور کے وارنٹ جاری کر دیے گئے اس حوالے سے پولیس نے بتایا کہ جج ہمایوں دلاور کے بھائی، والد اور رجسٹرار کے بھی وارنٹ جاری ہوئے ہیں۔

پولیس کے مطابق محکمہ اینٹی کرپشن نے عدالت سے وارنٹِ گرفتاری حاصل کر لیے ہیں، اس معاملے میں حکومت کو کروڑوں روپے کا نقصان ہوا ہے اس حوالے سے معاونِ خصوصی اینٹی کرپشن خیبر پختون خوا مصدق عباسی نے کہا ہے کہ اسپیشل جج ہمایوں دلاور اور ان کے 3 بھائیوں کے خلاف ایف آئی آر درج ہے۔ مصدق عباسی نے بتایا کہ اینٹی کرپشن نے عدالت سے وارنٹ گرفتاری حاصل کر لیے، ملزمان نے جعلی اندراج سے زمین اپنے نام کر کے ہاؤسنگ سوسائٹی میں شامل کی۔انہوں نے کہا کہ جج ہمایوں دلاور ہاؤسنگ سوسائٹی کے چیف ایگزیکٹیو ہیں۔