لاہور(این این آئی)سینیٹر فیصل واوڈا نے کہا ہے کہ فیض حمید کی گرفتاری سے40فیصد مسائل حل ہوگئے ہیں، آرمی چیف نے ادارے میں مثال قائم کر دی ہے۔ایک انٹرویومیں سینیٹر فیصل واوڈا نے کہا کہ فیض حمید اور تحریک انصاف ایک جان ہے،ان کی گرفتارسے پاکستان کے 40فیصد مسائل حل ہوگئے۔

انہوں نے کہاکہ فیض حمید کا صرف کورٹ مارشل نہیں سزا بھی دی جائے گی، آرمی چیف نے ادارے میں مثال قائم کر دی ہے۔فیصل واوڈانے کہاکہ9مئی کی شروعات پشاور کورکمانڈر حملے سے ہوئی،جو بونے باپ بنے ہوئے تھے ان کو بھی بلڈوز کر دیا جائے گا، نو مئی کے حوالے سے کسی قسم کا کمپرومائز نہیں ہو گا۔فیصل واوڈا نے کہاکہ ابھی بہت ساری چیزوں نے کھلنا ہے، ارشد شریف قتل کیس بھی کھلے گا، بانی پی ٹی آئی پر جو فائرنگ ہوئی اس کیس کو بھی ابھی کھلنا ہے۔