گجرات(این این آئی)گجرات میں امام مسجد باپ نے بیٹا پیدا نہ ہونے پر 3ماہ کی بیٹی قتل کردی۔تفصیلات کے مطابق گجرات میں امام مسجد باپ نے بیٹا پیدا نہ ہونے کے دکھ پر 3 ماہ کی بیٹی نہر میں پھینک دی ۔
گجرات پولیس کے مطابق قاتل امام مسجد علی احمد کی دو سال قبل شادی ہوئی تھی اور وہ اکلوتی بیٹی کا باپ تھا، پولیس کے مطابق گرفتار ملزم بہانے سے اپنی بیوی مریم عائشہ اور تین ماہ کی بیٹی زینب کو نہر کنارے لے گیا اور وہاں بیوی سے سگی بیٹی چھین کر ہیڈ کھوکھرنہر میں پھینک دی، ابتدائی تفتیش کے مطابق ملزم نے بیٹا پیدا نہ ہونے کی رنجش میں بچی کو نہر میں پھینکا۔پولیس کے مطابق قاتل علی احمد موجیانوالہ مسجد کا امام ہے ، ملزم کو گرفتار کر کے تھانہ ڈنگہ میں قتل کا مقدمہ درج کر لیا گیا ہے ۔
