ممبئی(این این آئی) بالی ووڈ اداکارہ سوناکشی سنہا نے کہا ہے کہ ظہیر کیساتھ مذہب پر کبھی بحث نہیں ہوئی۔ایک انٹرویو میں بھارتی اداکارہ سوناکشی سنہا اور ان کے شوہر ظہیر اقبال نے اپنی بین المذاہب شادی کو خوبصورت جشن قرار دیا۔سوناکشی سنہا نے کہا کہ میرے اور ظہیر کے عقائد مختلف ہیں لیکن مختلف مذاہب کے باوجود بھی ہم دونوں بنیادی طور پر ایک جیسے ہی ہیں۔
اداکارہ اور ظہیر اقبال نے کہا کہ ہمارے والدین نے ہمیں اچھا انسان بننا اور خدا پر یقین رکھنا سکھایا ہے، پھر چاہے ہمارا تعلق کسی بھی مذہب یا ذات سے کیوں نہ ہو۔سوناکشی سنہا نے کہا کہ میں اور ظہیر شادی سے قبل سات سال تک تعلقات میں رہے لیکن کبھی بھی ہماری بات چیت کا موضوع ہمارے مختلف عقائد نہیں رہا۔انہوں نے کہا کہ ہم دونوں ایک دوسرے کے مذہب کا احترام کرتے ہیں اور ہمارے درمیان مذہب کو لیکر کبھی کوئی لڑائی یا بحث نہیں ہوئی۔اداکارہ نے کہا کہ ہماری بین المذاہب شادی کی وجہ سے صرف ناقدین کو ہی مسئلہ ہے، اس شادی سے ہماری فیملی تو بہت خوش ہے، لہٰذا اسی وجہ سے ہم تنقید کرنے والوں کو اہمیت نہیں دیتے۔
