مانسہرہ (این این آئی)مانسہرہ کی وادی کاغان میں جون کے مہینے میں غیر متوقع برفباری کے باعث سیاحوں کا رش بڑھ گیا ہے، جو سرد موسم اور برفیلے نظاروں کا خوب لطف اٹھانے لگے ۔

کاغان ڈیولپمنٹ اتھارٹی کی رپورٹ کے مطابق عیدالاضحی کی شام سے گذشتہ اتوار تک 53 ہزار 220 گاڑیوں اور16 ہزار 540 موٹر سائیکلوں پر 3 لاکھ سے زائد سیاح وادء کاغان پہنچے ہیں، رش اور سڑک کی خرابی کے باوجود سیاحوں نے دلفریب مناظر کا بھرپور لطف اٹھایا۔سیاحوں کی بڑی تعداد جھیل سیف الملوک اور ناران میں جگہ جگہ پڑی برف پر سلائیڈنگ سے بچپن کی یادیں تازہ کررہی ہے۔سیاحوں کے مطابق اگر این ایچ اے سڑکوں کی حالت بہتر بنانے پر توجہ دے تو وادی کاغان کی سیاحت کو مزید فروغ حاصل ہوگا۔