لاہور ( این این آئی)کمشنر لاہور و ڈی جی ایل ڈی اے محمد علی رندھاوا کی ہدایت پر ایل ڈی اے ٹیموں نے ملتان روڈ پرواقع چھ غیر قانونی رہائشی سکیموں کے خلاف کارروائی کی۔ ایل ڈی اے عملے نے آپریشن کے دوران مانگا ویلی سکیم کی سڑکیں اور سٹرکچر مسمار کر دیا۔سماڈا گاؤں کے قریب ایل ایس ڈی سکیم کا سیوریج سسٹم، سڑکیں و دفاتر مسمارکرد یئے۔

سپرنگ گارڈن سکیم کا دفتر، گیٹ، اور باؤنڈری وال مسمار کر دیں۔مراکہ ہومز کے دفاتر، سڑکیں اور انفراسٹرکچر مسمار کر دیا۔احمد فارمز مراکہ میں زیر تعمیر سڑکیں مسمار کر دیں۔ غیر قانونی ہاؤسنگ سوسائٹی مراکہ سکیم کا مارکیٹنگ دفتر بھی مسمار کر دیا ۔آپریشن ایڈیشنل ڈی جی یو پی خالد گورائیہ کی نگرانی میں شعبہ پرائیوٹ ہاؤسنگ سکیمز نے کیا۔کمشنر لاہور و ڈی جی ایل ڈی اے محمد علی رندھاوا کی ہدایت پرشہر بھر میں غیر قانونی رہائشی سکیموں کے خلاف بلا امتیاز کارروائیاں جاری ہیں۔