لاہور (این این آئی)پاکستان مسلم لیگ (ن) کے قائد سابق وزیراعظم محمد نوازشریف نے کہا ہے کہ تسبیح میرے پاس بھی ہے، کوشش کرتا ہوں دوسروں کے سامنے نہ پڑھی جائے۔

ہفتہ کو چار سال بعد وطن واپسی پر مینار پر پاکستان پر منعقد ہونے والے ایک بڑے جلسے سے خطاب کرتے ہوئے نواز شریف نے کہا کہ تسبیح میرے پاس بھی ہے، کوشش کرتا ہوں دوسروں کے سامنے نہ پڑھی جائے، تسبیح اس وقت کرتا ہوں جب کوئی نہ دیکھ رہا ہو۔ نوازشریف نے کہاکہ بغل میں چھری منہ میں رام رام ، یہ مجھے نہیں آتا ۔نوازشریف نے دعاء کی کہ ہم سے جو غلطیاں ہوئیں، اللہ انھیں معاف فرما۔