لاہور( این این آئی) صوبائی دارالحکومت لاہور ماحولیاتی تبدیلیوں کی زد میں آگیا، اکتوبر میں ہونے والی بارشوں نے 30 سالہ ریکارڈ توڑ دیا۔چیف میٹرولوجسٹ محمد اسلم کے مطابق رواں سال اکتوبر میں ہونے والی موسلادھار بارشیں 30سال قبل اکتوبر میں برسی تھیں۔ اکتوبر کا مہینہ خشک ہوتا ہے تاہم اس ماہ معمول سے زائد بارشیں برسی ہیں۔

ماہرین کا کہنا ہے کہ 30سال قبل اکتوبر 1990ء میں 120 ملی میٹربارش ہوئی ۔ تاہم رواں سال اکتوبرمیں ہی اب تک 140میٹر بارش ہوئی ہے ۔ جس کی ایک وجہ ماحولیاتی تبدیلیاں ہیں۔دوسری جانب اسی بارش نے لاہور کی فضائوں سے سموگ کی مکمل چھٹی کروا دی۔