لاہور( این این آئی)گاڑیوں کے رجسٹریشن کارڈز کی قیمتوں میں300فیصد کااضافہ متوقع ہے۔ ایکسائزحکام کے مطابق ٹیکنیکل بڈ کے ڈیڑھ ماہ بعدمحکمہ ایکسائز نے فنانشل بڈ کھول دی، موجودہ قیمت کی نسبت 300فیصد اضافی ریٹس کمپنیوں کودیدیئے، فنانشل بڈ میں کوالیفائی 2 کمپنیوں میں سب سے کم ان باکس کمپنی نے 1485 روپے ریٹ دیا، جاز کمپنی نے فنانشل بڈ میں 1675 روپے کی بڈ فائل کی تھی۔

ایکسائزحکام کے مطابق موجودہ کارڈز کمپنی کی جانب سے ایکسائزکو 438 روپے میں فراہم کیا جارہا ہے، ایکسائز شہریوں سے 530 روپے وصول کرتاہے، 2017 میں ان باکس کمپنی کو 5 سال کا 438 روپے فی کارڈ کا کنٹریکٹ دیا گیا تھا۔