کراچی (این این آئی) ماں کے ڈانٹنے پر 11سال کے بچے نے خودکشی کرلی، پولیس نے بچے کی لاش پوسٹ مارٹم کے لیے عباسی شہید اسپتال منتقل کردی ہے۔تفصیلات کے مطابق کراچی کے علاقے نارتھ کراچی میں ماں کے رات گئے کھیلنے سے منع کرنے پر گیارہ سالہ بچے حماد نے خودکشی کرلی۔
حماد کے اہل خانہ نے پولیس کو بیان دیا کہ والدہ گھر کے کاموں میں مصروف تھیں جبکہ حماد گھرکی بالائی منزل پر چلا گیا، والدہ اوپر پہنچیں توحماد پھندا لگا کر خود کشی کرچکاتھا۔پولیس نے بچے کی لاش ضابطے کی کاروائی کے لیے عباسی شہید ہسپتال منتقل کردی، پولیس کا کہنا ہے واقعہ کی تفتیش کی جارہی ہے، ابتدائی طور پر بچے نے دلبرداشتہ ہو کر خودکشی کی، جس پر جانچ پرتال کررہے ہیں۔
