مکوآنہ (این این آئی)فیصل آبادغربت اور بے روگاری سے تنگ نوجوان نے زہریلی گولیاں کھا کر خودکشی کر لی، ہسپتال انتظامیہ نے ضروری کارروائی کے بعد نعش ورثاء کے حوالے کر دی۔ جھنگ روڈ کا رہائشی 20 سالہ شریف ولد اکبر کاروبار نہ ہونے کی وجہ سے کافی عرصہ سے بے روزگار تھا اور معاشی حالات سے تنگ آ کر اس نے گندم میں رکھنے والی گولیاں کھا لیں۔
حالت غیر ہونے پر اہل خانہ نے تشویشناک حالت میں سول ہسپتال پہنچایا، جہاں ڈاکٹروں نے اسکا معدہ واش کر کے جان بچانے کی سرتوڑ کوشش کی، تاہم دوران علاج وہ زندگی کی بازی ہار گیا تو ہسپتال انتظامیہ نے ضروری کارروائی کے بعد نعش ورثاء کے حوالے کر دی۔
