کراچی (این این آئی) نیو کراچی سیکٹرفائیو سی ٹو میں نامعلوم ملزمان جیولرز شاپ کے تالا توڑ کر لاکھوں کا سونا اور کیش لوٹ کر فرار ہوگئے۔تفصیلات کے مطابق کراچی کے علاقے نیو کراچی سیکٹر5سی ٹومیں جیولرزشاپ میں تالا توڑ گروپ نے واردات کی اور لاکھوں کا سونا اور کیش لوٹ کر فرار ہوگئے۔دکاندار نے بتایا کہ دکان کے تالے کاٹ کر چوری کی واردات ہوئی اور ملزمان مبینہ طور پر5لاکھ روپے کیش لوٹ کر فرار ہوئے۔پولیس کے مطابق ملزمان نے مبینہ طور پر 15 تولے کے قریب سونا بھی لوٹا تاہم نقصان کا تخمینہ لگایا جارہا ہے اور واردات کے حوالے سے مزید شواہد بھی اکھٹے کیے جارہے ہیں۔پولیس کی جانب سے کرائم سین یونٹ کو طلب کرلیا گیا ہے اور واقعے سے متعلق مزید تحقیقات جاری ہے۔