شکارپور (این این آئی) شکارپورمیں ڈاکوؤں کے ہاتھوں اغوا ایس ایچ او سمیت 5 پولیس اہلکاروں کو تاحال بازیاب نہیں کروایاجاسکا۔گزشتہ روزکچیکیکوٹ شاہو پولیس چوکی پر ڈاکوؤں نے حملہ کرکے ایس ایچ او سمیت 5 پولیس اہلکاروں کواغوا کرلیا تھا۔اہلکاروں کی بازیابی کیلئے کچے کے علاقے میں پولیس آپریشن جاری ہے لیکن تاحال پولیس اہلکاروں کی بازیابی کیلئے کوئی کامیابی نہیں مل سکی ہے۔

دوسری جانب ڈاکوؤں نے پولیس اہلکاروں کی رہائی کے بدلے گرفتار ڈاکو مہرعرف محرم بڈانی کی رہائی کامطالبہ کیا ۔اس پر ڈی آئی جی لاڑکانہ نے کہاکہ ڈاکوؤں کا مطالبہ تسلیم نہیں کیا جاسکتا۔علاوہ ازیں چیئرمین پاکستان پیپلزپارٹی بلاول بھٹو زرداری نے پولیس اہلکاروں کے اغوا پر اظہار تشویش کرتے ہوئے کہا کہ اہلکاروں کے اغوا کا معاملہ سنگین ہے اس میں ملوث مجرموں کے خلاف ایکشن لیا جائے۔