کراچی (این این آئی)جامعہ بنوریہ عالمیہ سائٹ میں 43 سالہ فلپائنی خاتون نے اسلام قبول کرلیا، عیسائیت سے تعلق رکھنے والی ڈوئی ڈورہ لیرہ” نے جامعہ آکر اسلام قبول کرنے کی خواہش کا اظہار کیا، جس پر جامعہ بنوریہ عالمیہ کے نائب متہمم مولانا فرحان نعیم نے نومسلمہ کو کلمہ پڑھا کر دائرہ اسلام میں داخل کیا اور اسلامی نام زینب تجویز کرکے مبارکباد پیش کی۔
جامعہ کے نائب مہتمم مولانا فرحان نعیم نے کہاکہ اسلام دنیا کا واحد مذہب ہے جوشروع سے اپنی حقیقی شکل وصورت میں برقرارہے اورزندگی کے تمام شعبوں میں انسانیت کی رہنمائی کرتاہے،اسلام نے عورت کو جو عزت و احترام دیا ہے وہ دیگر مذاہب میں نظر نہیں آتا۔ اس موقع پر نومسلمہ نے گفتگو میں کہاکہ اسلام کا دل سے مطالعہ کرنے والا اسلام سے متاثر ہوئے بغیر نہیں رہ سکتا،میری خوش قسمتی ہے میں یہاں جامعہ بنوریہ عالمیہ میں آکر اسلام میں داخل ہورہی ہوں۔
