کراچی (این این آئی) محکمہ صحت کی گاڑیاں سابق ملازمین اور غیر متعلقہ افسران کے پاس ہونے کا انکشاف ہوا ہے۔ذرائع کے مطابق نگراں وزیر صحت ڈاکٹر سعد خالد نیاز نے سابق ملازمین اور غیر متعلقہ افسران سے گاڑیاں واپس لینے اور سیکرٹری صحت کو گاڑیاں واپس نہ کرنے والوں کے خلاف قانونی کارروائی کی ہدایت کر دی۔2 فورچیونر گاڑیاں بھی غیر متعلقہ افراد کے زیرِ استعمال ہونے کی اطلاعات ہیں۔

محکمہ صحت سندھ کی درجنوں گاڑیاں سابق افسران کے پاس ہیں۔ذرائع کے مطابق کئی بار ہدایات کے باوجود سابق ملازمین نے محکمہ کی گاڑیاں واپس نہیں کی ہیں۔ نگراں وزیر صحت ڈاکٹر سعد خالد نیاز نے سیکریٹری صحت کو گاڑیاں واپس نہ کرنے پر مقدمات درج کروانے کی ہدایت کر دی۔