ملزم نے بھابھی اور دوست کے ساتھ مل کر اپنے بڑے بھائی کو نشہ آور شے پلا کے بے ہوش کیا اور پھر گلا گھونٹ کر ماردیا، پولیس
حیدر آباد (این این آئی)حیدرآباد میں بھائی نے اپنی بھابھی سے شادی کرنیکے لیے بڑے بھائی کوگلاگھونٹ کرقتل کردیا۔پولیس کے مطابق واقعہ ائیرپورٹ روڈ کے علاقے میں پیش آیا جہاں ملزم نے بھابھی اور دوست کے ساتھ مل کر اپنے بڑے بھائی کو نشہ آور شے پلا کے بے ہوش کیا اور پھر گلا گھونٹ کر ماردیا۔پولیس کے مطابق ملزمان نے خودکشی کا رنگ دینے کیلئے لاش کو درخت پرلٹکا دیا تاہم تفتیش کے لیے ملزم کو جب حراست میں لیا گیا تو اس نے قتل کا اعتراف کیا۔پولیس کے مطابق ملزم اپنی بھابھی سے شادی کرنا چاہتا تھا جس کیلیے اس نے بڑے بھائی کا قتل کیا، مقتول کی بیوی اور بھائی کو گرفتار کر لیا گیا ہے۔