راجووال ( این این آئی)گھریلو ناچاکی پر بیوی اپنی دو بیٹیوں کے ہمراہ زہر کھا کر موت کی وادی میں اتر گئی ۔تفصیلات کے مطابق محلہ احمد شاہ بصیر پور کے رہائشی محمد رمضان کا مبینہ طور پر اپنی بیوی سے معمولی جھگڑا ہوا جس کے بعد وہ اپنی دوکان پرچلا گیا کہ اس کے گھر میں موجود اس کی اہلیہ 28 سالہ نسرین بی بی نے خود زہر کھایا،اپنی 2بیٹیوں 8 سالہ رضوانہ بی بی اور 6 سالہ طیبہ بی بی کو بھی زہر کھلایاجسکے نتیجے میں نسرین بی بی موقع جاں بحق ہو گئی جبکہ 8 سالہ رضوانہ اور 6 سالہ طیبہ ہسپتال جا کر دم توڑ گئیں ،این این آئی کے مطابق ماں کی اپنی 2 بیٹیوں کے ساتھ اجتماعی خود کشی کے اندوہناک واقعہ کی وجہ گھریلو ناچاکی بتائی گئی ہے،پولیس مصروف تفتیش ہے۔