سرگودھا(این این آئی)اولاد کی خاطر دوسری شادی کی اجازت نہ ملنے پر شوہر نے بیوی کو چھری سے گلا کاٹ کر قتل کر دیا پولیس نے مقدمہ قتل درج کر کے مقتولہ کی نعش پوسٹمارٹم کے بعد ورثا کے سپرد کر دی۔زرائع کے مطابق سرگودھا کے علاقہ جوھرآباد کی قاضی کالونی میں 6سال سے شادی شدہ ثمینہ شفیع کی کمرے سے گلا کٹی نعش برآمد ہونے پر اہلخانہ نے وقوعہ کو خودکشی قرار دیا جبکہ مقتولہ کے لواحقین نے شوہر پر قتل کا الزام عائد کر دیا

جس پر پولیس تھانہ سٹی نے مقتولہ ثمینہ شفیع کے بھائی شان حیدر شفیع کی رپورٹ پر شوہر محمد ریاض کے خلاف مقدمہ قتل درج کر لیا جس میں بتایا گیا کہ مقتولہ کی شادی 5/6سال قبل محمد ریاض اعوان ھوئی جنکے ہاں اولاد نہ ہونے پر محمد ریاض نے دوسری شادی کرنا چاہی تو پہلی بیوی سے شادی کی اجازت نہ ملنے کی رنجش پر شوہر نے چھری سے گلا کاٹ کر 6سال سے شادی شدہ بیوی کو قتل کردیا ،پولیس نے مقتولہ کی نعش پوسٹ مارٹم کے بعد ورثا کے سپرد کر دی اور جائے واردات سے شواہد اکٹھے کرتے ہوئے مصروف تفتیش ہے۔